الإثنين 06/مايو/2024 - 12:08 ص

كشفت التحقيقات في القضية رقم 15375 لسنة 20233 جنايات قسم المعادي المقيدة برقم 2740 لسنة 2023 كلي جنوب القاهرة، أن المتهمين من الأول إلى الرابع سرقوا المبلغ المالي المبين قدرًا بالأوراق والمملوك للمجني عليه عبد الرحمن،ح، وذلك بأن استوقفوا كلا من محمد ع، ومحمدـ،ع، حال حملهم للمبالغ المالية المسلمة إليهم من المجني عليه سالف الذكر بالطريق العام حال كونهم أكثر من شخصين زاعمين بأنهم من رجال الشرطة وأدخلوهما لسيارة حوزتهم كرهًا عنهما، مشهرين نحوهما أسلحة نارية وبيضاءـ تمكنوا بتلك الوسيلة القسرية من شل مقاومتهما والاستيلاء على المبالغ المالية والمنقولات حوزتهما هاتفين محمول، وتركهما بمكان ناءٍ والقرار بالمسروقات وعلى النحو المبين بالتحقيقات. 

اعترافات أحد المتهمين في قضية اختطاف شخصين بالمعادي

وحصل القاهرة 24، على نص تحقيقات القضية رقم 15375 لسنة 20233 جنايات قسم المعادي المقيدة برقم 2740 لسنة 2023 كلي جنوب القاهرة، وجاءت أقوال المتهم كالآتي: اللي حصل إن سلامة.ع.ا، كلمني من أسبوعين يوم الثلاثاء اللي قبل اللي فات الموافق ٢٠٢٣/٩/٢٦ وقالي إن ابن مراته معاه فلوس ورايح يتصرف فيها تاني يوم الصبح ومعاه واحد صاحبه وقالي إنه عايز ياخد الفلوس دي منهم وقالي إنهم 5 مليون وقالي إنه عايز يجيبهم ومش عارف يجيبهم إزاي منهم.

وأضاف: أنا قلتله إني هكلم سيد یوسف وهو يشوف حل للموضوع دا فا كلمته قلتله سلامة بيقولك إن فيه 5 مليون هو عايزهم وهيدِّي واحد مليون جنيه، فا سيد قالي لا احنا نجيب الفلوس دي وناخد احنا المليون جنيه فا قلتله ماشي، وسألته هنجيب الفلوس ازاي قالي أنا عندي ظابط ومعاه طبنجة اسمه محمد السيد ومعاه رجالته هيخلصوا الموضوع دا فا قلتله ماشي بعدها بيوم لقيت سلامة بيكلمني وبيقولي الجماعة خلصوا وخدوا العيال وجابوا الفلوس وقالي روح خد منهم الفلوس فا أنا كلمت سيد قالي تعالى المقطم روحت لقيتهم جايين بعربية رصاصي غامق وإزازها أسود متفیم.

وأردف: لقيت واحد بشنب وبيقول إنه ظابط في الجيش وكان معاه واحد ثاني طويل وملیان وشعره مصبوغ أصفر وواحد تاني مربي دقنه وشعره أسود، وادونا الفلوس وخدوا نصيبهم، وسيد خد نصيبه، وأنا خدت الفلوس ووديتها لسلامة وبعدها قالي إنه هيشتري شقة في فيصل وهيعملها مكتب ومعيشة، فا قالي فيه شقة في فيصل روح بص عليها فا أنا روحت وسمسار وطلعني شقة بصيت عليها وعرفت من صاحبها أنها بـ 600000 ألف جنيه فا كلمته واتفقنا إني هشتريها وروحت اشتريتها بـ 600 ألف جنيه وهو كان سايب معايا فلوس 583 ألف جنيه ومن 3 أيام كنت قاعد في فيصل بحاسب الصنايعية لقيت الحكومة جات وخادتني وبيسألني على فلوس سلامة قلتله موجودة وروحنا جبناها وخادوني بعدها القسم.