الإثنين 06/مايو/2024 - 05:16 م

قال عصام صاصا في حادث دهس مواطن أعلى الدائري أمام جهات التحقيق، إنه كان عائدا من المعادي ومتجها إلى منزله الكائن بحدائق الأهرام، مشيرا إلى أن الحادث وقع أمام محطة  أون ذا رن، موضحا: كنت جاي من المعادي متجه لبيتي في حدائق الأهرام وعند بنزينة أون ذا رن حصلت الحادثة على الدائري، وكنت سايق على سرعة أقل من 70 وميكروباص أبيض بسقف عالى ماشي أمامي والمجني عليه ظهر فجأة أمامي.

عصام صاصا أمام جهات التحقيق:كنت رايح أدبح عجل علشان عقيقة ابني والضحية ظهر قدامي فجأة

وأضاف عصام صاصا في حادث دهس مواطن أمام جهات التحقيق: أنا كنت رايح أدبح عجل عشان عقيقة ابني أنا خلفت والعقيقة يوم الخميس، وفي الحادثة  كان معايا 2 من أصدقائي واحد قاعد جنبي والتاني في الكنبة الخلفية، والمجني عليه ظهر فجأة قدامي في لحظة وخبط في زجاج السيارة، وصحبي اللي كان قاعد جنبي أصيب بشدة، ومرضتش أهرب وحاولت إنقاذه لكن لقيته بيطلع في الروح وتوفى في ثواني.

وأوضح عصام صاصا أمام جهات التحقيق: وقفت لحد الشرطة ما جت ومهربتش، ومكنتش قاصد أموته، هو كان بيعدي الشارع من مكان غير مخصص لعبور المشاة في طلعة وصلة المريوطية من الطريق الدائري، وأنا كنت جاي من المعادي والحادثة حصلت الساعة 7 ونص.