الجمعة 10/مايو/2024 - 10:31 ص

كشفت يارا تامر، حقيقة إهدائها سيارة G Class، من مطرب المهرجانات مسلم قبل فسخ خطبتهما، مؤكدة أن الأخير هو سبب شهرتها بين الجمهور.

وقالت يارا تامر، في ستوري حسابها الشخصي بموقع تبادل الصور والفيديوهات إنستجرام، ردًا على تساؤلات متابعيها حول حقيقة إهدائها سيارة من مسلم: إحنا اتصورنا في العربية كذا مرة ونزلناها، وهو في حد يجيب هدية لخطيبته عربية G Class؟، محدش جابلي عربية ودي كانت عربية اتصورنا فيها بس ولا بتاعتي ولا بتاعته، هي جاتلنا هدية في فرحنا واتصورنا فيها عادي، وأنا عندي عربيتي من الأول.

كما ردت يارا تامر، على إحدى المتابعات التي قالت لها إن مسلم هو سبب شهرتها، قائلة: مسلم هو سبب شهرتي والناس كلها عارفة ده، وخطوبتي هي اللي شهرتني والناس عرفتني عن طريق مسلم وأنا مطلعتش كدبت ده ومحدش قال غير كده.

وأوضحت يارا تامر، أنها قررت الخروج للجمهور وتوضيح بعض الأقاويل عنها، قائلة: أنا مكنتش بحب جو الشهرة وبحب حياتي برايفيت، بس بعد ما لقيت كلام كتير عني مش صح حبيت الناس تعرف أنا مين وتعرف كل حاجة عني.

وتابعت يارا تامر: بعد كده حبيت الناس وكنت خلاص الناس كلها عرفتني فقولت ليه لأ؟، بس ده مكنش هدفي خالص بصراحة ولا كان يفرق معايا.

يارا تامر تكشف سبب فسخ خطوبتها من مسلم

كما كشفت يارا تامر، سبب فسخ خطوبتها من مسلم بعد 18 يومًا من حفل الخطوبة، حيث كتبت عبر انستجرام: متفقناش مع بعض مش أكتر ومكناش نعرف بعض قبل الخطوبة بوقت كافي إننا نفهم بعض، ففركشنا من غير أي مشاكل وهو شخص كويس جدًا ولحد دلوقتي مفيش بينا غير كل احترام.