غضب حلا شيحة من جمهورها بسبب نشرهم صور من أفلامها القديمة
الفنانة المعتزلة حلا شيحة

أظهرت الفنانة المعتزلة حلا شيحة غضبها الشديد من جمهورها ووجهت لهم رسالة عبر صفحتها الرسمية على موقع التواصل الاجتماعي “فيس بوك”، عبرت من خلالها عن استياءها الشديد من نشر صور لها على موقع التواصل الاجتماعي من أفلامها الفنية القديمة، مؤكدة أنها لن تعود لهذه الحياة نهائياً.

وقالت حلا شيحة أنها تخشى الله وحده وتتسم بالقوة وتدعوا الله دائماً أن يثبتها، وليست نادمة على أى شئ مر في حياتها لأنها في ذلك الوقت كانت في سن صغير.

وأضافت “عاوزة أوضح حاجة بسيطة.. أى حد بيتعمد ينزل لى صورة من أفلامى السابقة على صفحتى لن يستفزنى أبداً بفضل الله والذنب مش أنا اللى هخده ده هيكون كله على الشخص اللى سولت له نفسه الأمر ده”.

وتابعت النجمة المعتزلة “أنا بخاف من الله وحده الحمد لله قوية جدا بالله وحده ثم الدعاء وأدعو الله الثبات فى كل لحظة فى يومى وأنا ذقت الحياة بعيد عن الله وبالقرب منه، ولا أتخيل أن تعود حياتى كالسابق والحمد لله أنا بنت ناس طيبين وعائلة طيبة ولى فى حياتى السابقة بعض الأخطاء لكن أخطاء بنت فى سن صغيرة شىء وارد ولابد منه”.

واختتم حلا حديثها قائلة “لو الإنسان مسألش نفسه وحاسب نفسه كل فترة هيعيش كدة وخلاص، لازم نسأل نفسنا إحنا مين وهنا ليه وأيه السبب فى وجودنا، أسئلة غيرت حياتي و حياة ناس كتير ، واللي بيسأل بصدق غير اللي بيضحك علي نفسه بشوية اوهام تريحه و حيصدقها و خلاص، علشان كدة بقول لأى حد بيحاول يأذينى على الصفحة أو يقول كلام عنى بيحاول بيه يضايقنى أقوله متحاولش معايا وصعب تعرف لأن مصدر قوتى وصبرى واستمرارى فى طريقى من الله القوى المتين الجبار العزيز اللى لو كنت تعرف قدره مكنتش حتى فكرت إنك تأذى نفسك، أيوة أنت فعلاً أذيت نفسك أما أنا ففوضتُ أمرى إلى الله والله المستعان على ما تصفون”.