الخميس 09/مايو/2024 - 04:05 م

قال شقيق ضحية سيارة عصام صاصا، إن نجل الراحل يسأله بشكل متواصل على والده وأبلغته من قبل أنه توفى في حادث، مؤكدًا أن حق والده لن يضيع هدرًا.

وأوضح في تصريحات ل القاهرة 24، أن سيارة مؤدي المهرجانات لم يكن يقودها بسعرة 70 كيلو في الساعة كما اعترف أمام جهات التحقيق، بل على سرعة أكبر من ذلك بكثير والدليل شكل السيارة بعد الحادث، متابعًا: عصام صاصا يقول أنه كان سائق علي سرعة 70كيلو متر، وأنا أقول له مستحيل لأنه لو كانت هذا صحيح لم يكن جثمان أخي بالشكل الذي رأيناه عليه، ولم يكن الحادث بهذا الوصف وانا أعمل  سائقًا منذ عشرين عاما وأؤكد لك  أنك متخطي السرعة إلى 150.

وأكمل جمال مفتاح ابن محافظة الفيوم شقيق أحمد ضحية عصام صاصا: أخويا كان واقف منتظر باص الشغل مش بيعدي الطريق هيعدي الطريق إزاي وهو الباص هيوصل في المكان إلا هو واقف فيه، ولو أخويا معدي الطريق وفي عربية ميكروباص زي ما أنت بتقول كان طبيعي الطريق الدائري هيتقفل.

تصريحات عصام صاصا كلها غير صحيحه 

واختتم شقيق المتوفي حديثه معلقا: كل تصريحاته غير صحيحة وبقولك خلي بالك أخويا الآن في دار الحق وأنت في دار الباطل.

ومتفكرش أننا هنسيب حقه خوي لأنه طيب وناس كتير متضامنة معاه،  وجالي ناس كتير جدا للتفاوض علي الصلح وانا رفضة تمام ولن أسامحك.

في السياق، نشر مطرب المهرجانات عصام صاصا، ستوري عبر حسابه على موقع الصور والفيديوهات إنستجرام، تعليقًا على أزمته الأخيرة إثر اتهامه بدهس شاب ووفاته أعلى الطريق الدائري بالجيزة.

وكتب عصام صاصا عبر حسابه في إنستجرام: الحمد لله على قضاء ربنا اللهم لا اعتراض.. ربنا يرحم الراجل اللي أنا هفضل شايل ذنبه طول عمري.. بس ربنا شاهد على اللي حصل ومحدش هيحس باللي أنا شوفته وعيشته الساعات اللي فاتت.

واستكمل: ربنا يصبر أهله ويرحمه وشكرا لكل إخواتي اللي سألوا عليا وشكرًا لكل الناس اللي دافعت عن عصام صاصا وعارفة إن عمر عصام ما يأذي حد بس ده قضاء ربنا.