الخميس 09/مايو/2024 - 06:19 م

انتشر مقطع فيديو لإحدى العرائس على منصة التيك توك، تخضع لجلسة تصوير وسط الأسواق الشعبية والشوارع العامة، وذلك بعد أن حاول شاب مصري ابتكار طريقة جديدة في التصوير، لجذب مستخدمي مواقع التواصل الاجتماعي والترويج لمهارته في التصوير. 

جلسة تصوير العروسة في أسواق طنطا 

شارك المصور الشاب إسلام علي، الذي يبلغ من العمر 28 عامًا، فيديو عبر منصة التيك توك لإحدى العرائس تخضع لجلسة تصوير وسط الأسواق الشعبية في إحدى المناطق بمحافظة طنطا، إذ أنه حاول ابتكار طريقة جديدة في التصوير بديلة للاستوديوهات التقليدية للعرائس. 

المصور إسلام: اخترنا الموديل وهدفنا كان نطلع ترند

وقال المصور إسلام علي لـ القاهرة 24، إنه اختار هذه الفكرة لجذب الانتباه بطريقة تصوير مختلفة وغير تقليدية مثل ما يتم للعرائس في الاستوديوهات، قائلًا: إحنا فريق مكون من 5 أفراد كلنا من طنطا، اشتغلنا مع بعض واخترنا الموديل وعملنا لها ميك أب وحضرنا الفستان، وقولنا يلا ننزل نصور في الشارع وكان هدفنا نطلع ترند ونعمل حاجة تقلب الدنيا. 

وأضاف إسلام: الموديل كان عندها قابلية وبتعرف تتصور ومش بتتكسف، وده خلاني أعمل حاجة مختلفة وطلعت حلوة، والناس كانت لطيفة جدًا معانا والكل كان بيساعد.. لأنهم كانوا فاكرينها عروسة بجد والعريس مجلهاش، لكن في الحقيقة هي موديل وإحنا بنعمل جلسة تصوير عادية. 

المصور إسلام: الناس كانت بتتخانق معانا عشان نصورهم 

وعن فرحة المواطنين ومشاركتهم له، قال إسلام: الناس كانت بتتخانق معانا عشان نصور عندهم في المحلات بتاعتهم، وحبوا أوي اللي إحنا بنعمله وتعاطفوا مع البنت، مُشيرًا إلى أن جلسة التصوير لم تستغرق منه أكثر من نصف ساعة تقريبًا.  

لما عريسي يتأخر عليا.. تعليقات المتابعين 

ولكن استقبل أيضًا مستخدمي منصة التيك توك هذا الفيديو، وتفاعلوا معه خاصةً أنه تم تصويره في أحد الأسواق الشعبية في منطقة أول البحر بشارع البورصة في محافظة طنطا، مما يدل على قربه من قلوب المصريين بسبب طبيعته وعفويته. 

وقالت إحدى المُعلقات مُنبهرة: إيه ده عندنا في طنطا.. وأخرى كتبت: عندنا في طنطا الكلام ده ميصحش.. ياريتني كنت هناك ساعتها، وأخرى: دا أول البحر عند شارع البورصة في طنطا، وأخرى تعلق مازحة: لما عريسي يتأخر عليا فـ انزله مشي، وهكذا توافدت التعليقات على هذا الفيديو الذي حقق آلاف المُشاهدات عبر حسابات منصة التيك توك.