الجمعة 26/أبريل/2024 - 09:59 ص

كشفت الفنانة صابرين خلال تصريحات تلفزيونية عن بعض الأسرار في حياتها، موضحة سبب انفصالها، وتفضيلها الزواج مرة ثانية، مؤكدة أن مسلسل أم كلثوم ربطه الجمهور بجميع أعمالها، كما تمنت أن يصبح لديها ابنة.

أبرز تصريحات صابرين

-منعت يكون ليا زوجة تانية لأنها كانت عايشة في أمريكا والعلاقة بينهم مش تمام وكان ده اختيار وابنها كان صحبي جدًا ولما محصلش انفصال بينهم أنا انفصلت.

-أخفيت خبر طلاقي لأنه مايهمش حد والجمهور مالوش غير أعمالي، وممكن أكرر تجربة الزواج.

-لو مكنتش ممثلة كنت هبقى مدرسة أطفال، ومافيش ندم واشتهيت يكون عندي بنت بس راضية بكل اللي يجيبه ربنا حلو. 

-نجاحي في مسلسل أم كلثوم الناس بقت تقارنه بكل عمل بعمله ويقولوا أم كلثوم راحت. 

-لم أتأثر بكلام خلعي للحجاب.. إنك تنام بليل وأنت مراضي ربك ونفسك بس أهم حاجة.

-كل أدواري ليها علامة وكلها أعمال حلوة والمفضل ليا دور أم كلثوم.

-الحب في حياتي الحمد لله عشرة من عشرة ومش شرط الحب يكون راجل وست ممكن يكون مع أولادي. 

-أول صديق هلجأ ليه لو عندي مشكله إلهام شاهين أو هالة صدقي، وأولادي بينزعجوا مني بسبب دمي الحامي. 

-بحس أحيانًا أن موهبتي مخدتش حقها من التقدير، وندمت على أعمال كتير قدمتها وإني إزاي عملتها.

-ادينت بالملايين والناس بتشوف إننا أغنى ناس في الكون، وكان عندي دروبات بسبب زواجي ولكن لما بيحصل معايا دروب بعرف إن ربنا واقف جمبي ومابتهزش.

-هند عاكف بنت خالة والدتي ولو هي شايفة إن القرابة بعيدة براحتها مع احترامي ليها.

-اتمنيت أن أجسد دور ذات وأنه يكون ليا بعد تقديم أم كلثوم ماشفتش إنه يهمني أي عمل آخر.

-ابني علي بيحب الفن وعيالي التانين ببوس ايديهم إنهم يشوفولي حاجة وحبيت لقبي بالترند الأورجنك، وبطلع ترند لوحدي.

-أنا من عشاق أحمد مظهر وأغنية ساعات ساعات هي أكتر حاجة بتعبر عن حياتي.